Starfsmenn

Daði er einn eigenda Pálma fasteignasölu en hann hefur mikla reynslu af sölu og miðlun fasteigna á Spáni þar sem hann hefur verið búsettur undanfarin ár. Hann þekkir bæði fasteignamarkaðinn og það umhverfi sem íslenskir kaupendur og seljendur leita eftir mjög vel.

Daði er lærður framreiðslumaður, með gráðu í markaðs- og útflutningsfræðum frá Háskóla Íslands og MBA-gráðu frá Wilmington University í Bandaríkjunum.

Þú finnur Daða á skrifstofu Pálma í Ciudad Quesada þar sem hann tekur vel á móti þér og aðstoðar þig við kaup eða sölu á fasteign á Spáni.

Ívar er einn eigenda Pálma fasteignasölu og starfar frá skrifstofu Pálma í Kópavogi. Hann hefur víðtæka reynslu af fjármálum og fasteignaviðskiptum og hefur meðal annars starfað við fasteignasölu á Íslandi og gegnt fjármálatengdum stjórnunarstörfum á húsnæðismarkaði og í ferðaþjónustu.

Ívar er með meistaragráðu í fjármálum frá Madrid og MSc-gráðu í Real Estate Investment and Finance frá Skotlandi, auk þess að hafa lokið API-námi á Alicante-svæðinu. Hann talar reiprennandi spænsku og hefur byggt upp sterkt tengslanet á svæðinu. Í frítíma sínum nýtur Ívar þess að spila padel og golf á Costa Blanca.

Þú finnur Ívar á skrifstofu Pálma í Kópavogi þar sem hann tekur vel á móti þér og aðstoðar þig við næstu skref í fasteignakaupum á Alicante-svæðinu.

Kristinn eða Kiddi eins og hann er kallaður daglega er sölumaður og fasteignaráðgjafi hjá Pálma fasteignasölu og býr yfir mikilli reynslu úr atvinnulífinu. Hann hefur starfað við fasteignasölu bæði á Íslandi og á Spáni og hefur sótt fjölmörg námskeið, meðal annars í mannauðsstjórnun og tryggingum.

Kristinn starfaði í 11 ár hjá VÍS þar sem hann öðlaðist mikla reynslu í samskiptum við fólk og að byggja upp traust og góð tengsl við viðskiptavini.

Styrkur Kristins liggur fyrst og fremst í einstökum mannlegum samskiptum, ásamt víðtækri reynslu og einlægum vilja til að finna bestu lausnina fyrir hvern og einn viðskiptavin.

Þú finnur Kristin á skrifstofu Pálma á Spáni og þegar hann er ekki þar er hann á Íslandi.

Arnold er hollenskur að uppruna en hefur búið á Spáni í rúm 20 ár og þekkir því svæðið eins og lófann á sér. Hann hefur starfað við fasteignasölu í yfir tvo áratugi og býr yfir þeirri reynslu og þekkingu sem þarf til að leiðbeina viðskiptavinum í gegnum fasteignakaup af öryggi.

Arnold er þekktur fyrir fagmennsku í öllum sínum störfum og með áralöngum tengslum sínum á svæðinu getur hann komið viðskiptavinum í samband við réttu aðilana, hvort sem það eru iðnaðarmenn eða aðrir sérfræðingar. Fyrir utan alla reynsluna er Arnold líka einstaklega skemmtilegur og notalegur í samskiptum, sem gerir samstarfið við hann ánægjulegt frá fyrsta degi.

Arnold finnur þú á skrifstofu okkar á Spáni.

Zulymar Castillo eða Zuly er hluti af teymi Pálma fasteignasölu og sameinar reynslu úr fasteignasölu, góða þekkingu á Costa Blanca svæðinu og sérþekkingu á stafrænni markaðssetningu. Eftir að hafa búið lengi á Spáni þekkir hún svæðið vel og hefur góða innsýn í þá fjölbreyttu möguleika sem Costa Blanca hefur upp á að bjóða. Hún skilur jafnframt þarfir þeirra sem leita að heimili, sumarhúsi eða fjárfestingareign á Spáni.

Zulymar er með gráðu í stafrænni markaðssetningu og hefur sérhæft sig í markaðssetningu á samfélagsmiðlum. Hjá Pálma sér hún um stafræna markaðssetningu og vinnur markvisst að því að koma eignum okkar á framfæri við íslenska og erlenda kaupendur.

Með reynslu sína af fasteignum, markaðssetningu og Spáni gegnir Zulymar mikilvægu hlutverki í því að tengja rétta kaupandann við réttu eignina.

Christina er mikilvægur hluti af teymi Pálma fasteignasölu og er þekkt fyrir að taka vel á móti viðskiptavinum með hlýju, fagmennsku og persónulegri þjónustu.

Christina er norsk að uppruna og hefur búið í mörgum löndum sem hefur gefið henni víðtæka alþjóðlega reynslu og góðan skilning á ólíkum menningarheimum. Hún hefur búið á Spáni í 11 ár og þekkir því vel lífið á Spáni og það sem fylgir því að setjast að í nýju landi ásamt því að vera með tvö börn á skólaaldri.

Hún hefur einstaklega gott auga fyrir hönnun, skipulagi og fallegum smáatriðum, eiginleika sem nýtast vel í fasteignaheiminum. Christina talar norsku, ensku, spænsku og hollensku og á auðvelt með að eiga samskipti við viðskiptavini af ólíkum þjóðernum. Hjá Pálma leggur Christina sitt af mörkum til að skapa hlýlegt og faglegt viðmót þar sem persónuleg þjónusta, góð samskipti og gestrisni eru í fyrirrúmi.

Eyþór er með fjölbreytta starfsreynslu, sterka þjónustulund og góða þekkingu á húsnæðismarkaðnum á Costa Blanca. Hann er lærður málari og hefur starfað við fjölbreytt sölustörf meðal annars bílasölu þar sem hann öðlaðist mikilvæga reynslu í samskiptum, ráðgjöf og þjónustu við viðskiptavini.

Hann hefur búið og starfað á Spáni í átta ár og á þeim tíma starfað við málningarvinnu hjá Costa Blanca Painting Service, auk þess að sinna fasteignaumsjón fyrir ýmsa aðila. Sú reynsla hefur veitt honum góða innsýn í viðhald fasteigna, daglegan rekstur þeirra og þær þarfir sem fylgja því að eiga og halda utan um fasteign á Spáni.

Hann leggur áherslu á persónulega þjónustu, heiðarleg samskipti og að finna lausnir sem henta hverjum viðskiptavini. Með praktíska reynslu, staðbundna þekkingu og skilning á fasteignaeign á Spáni er markmið hans að gera kaup, sölu og eignarhald eins einfalt og öruggt og mögulegt er.