Fasteignamarkaðurinn á Costa Blanca og Costa Cálida – er góður tími til að kaupa?

Síðustu mánuði höfum við fengið sömu spurningarnar aftur og aftur: „Er betra að bíða með að kaupa fasteign? Mun fasteignaverð lækka?“ Þetta eru eðlilegar spurningar, sérstaklega eftir talsverðar breytingar á vöxtum og almennu efnahagsástandi í Evrópu. En þegar horft er á markaðinn hér á suðurhluta Spánar – t.d. frá Altea niður að Los Alcázares – er myndin allt önnur en margir búast við.

Markaðurinn er áfram sterkur

Costa Blanca og Costa Cálida eru enn meðal eftirsóttustu svæða Evrópu. Á þessum hluta svæðisins hefur eftirspurn haldist mjög mikil. Erlendir kaupendur halda áfram að fjárfesta í eignum, bæði sem sumarhúsum og til framtíðarbúsetu.

Það sem einkennir markaðinn í dag er einfaldlega að góðar eignir eru færri en þeir sem vilja kaupa þær. Þegar vel staðsett eign kemur á markað selst hún oft á stuttum tíma, sérstaklega ef verðlagningin er raunhæf.

Hvað knýr eftirspurnina?

Ástæðurnar eru margar. Fólk sækir í yfir 320 sólardaga á ári, góða innviði, alþjóðleg samfélög, hagstæðan framfærslukostnað miðað við mörg önnur Evrópulönd og betri lífsgæði. Sífellt fleiri geta einnig unnið í fjarvinnu og velja því að búa hluta ársins eða allt árið á Costa Blanca svæðinu. Þetta er þróun sem hefur verið að styrkjast ár frá ári og ekkert bendir til þess að hún sé að snúast við.

Hvernig verða næstu 12–18 mánuðir?

Flest bendir til þess að markaðurinn verði áfram stöðugur. Verðhækkanir verða líklega hóflegri en á árunum eftir heimsfaraldurinn, en flestir sérfræðingar gera ráð fyrir áframhaldandi hækkunum, sérstaklega á eftirsóttustu svæðunum. Á meðan framboð helst takmarkað og eftirspurn sterk eru litlar líkur á almennri verðlækkun á þessum markaði.

Hvenær er rétti tíminn til að kaupa?

Ef markmiðið er skammtímahagnaður er erfitt að spá nákvæmlega fyrir um þróunina. En ef þú ert að kaupa til að njóta eignarinnar, eiga annað heimili eða sem langtímafjárfestingu, þá teljum við að markaðurinn bjóði enn upp á mjög góð tækifæri og haldi áfram að gera það. Margir sem keyptu fyrir tveimur eða þremur árum spurðu sig hvort þeir ættu að bíða. Í dag eru þeir langflestir ánægðir með að hafa tekið ákvörðunina og hafa í raun frekar séð eftir að hafa ekki gert það fyrr.

Okkar ráð

Það skiptir minna máli hvort þú kaupir í þessum mánuði eða eftir þrjá mánuði. Það sem skiptir mestu máli er að kaupa réttu eignina fyrir þig, á réttum stað og á réttu verði. Það er þar sem góð ráðgjöf skilar mestum árangri.

Ef þú ert að velta fyrir þér hvort nú sé rétti tíminn fyrir þig, eða vilt einfaldlega fá heiðarlegt mat á stöðunni, þá erum við hjá Pálma hér fyrir þig. Allt byrjar þetta á góðu samtali – fyrir marga er draumurinn um heimili við Miðjarðarhafið nær en þeir halda.